Alegacións presentadas aos PGE 2016

O CONSELLO COMARCAL  DE ESQUERDA UNIDA COMPOSTELA PRESENTA ALEGACIÓNS AOS PGE 2016 POR IMPORTE DUNS 15 MILLÓS DE EUROS.

O CONSELLO COMARCAL DE EU COMPOSTELA DEMANDA MAIORES RECURSOS PARA MANTEMENTO E CONSTRUCIÓNS DAS INFRAESTRUTURAS QUE SANTIAGO PRECISA.

O Consello Comarcal de Esquerda Unida Compostela, a través do grupo parlamentario de Izquierda Unida, presenta alegacións aos PGE 2016 ante a necesidade de investimentos que precisa Santiago e a súa comarca.

Entre as alegacións presentadas está a necesidade de executar, coa maior rapidez posible, a construción da nova depuradora. Por desgraza é evidente que a día de hoxe a situación que padece a nosa comarca supón un risco medio ambiental e de saúde público. Por tal motivo esiximos un adianto da contía prevista para o 2017 para o ano 2016, e poder así contar canto antes coa depuración de augas que precisamos.

Para o Consello Comarcal de EU Compostela un novo modelo sustentable económica e medioambiental de transporte público e máis necesario que nunca. Tanto o tren como o autobús teñen que ter un rol determinante neste novo modelo que se debe levar a cabo. Por iso demandamos, nas alegacións presentadas, que se dote debidamente  tanto a construción da estación intermodal, na que o tren de proximidade e diferentes liñas de autobús urbano, interurbano e de largo de recorrido sexan una realidade o antes posible, como o estudo para facer real un plan global de mobilidade sustentable.

Por suposto neste novo modelo de mobilidade non só ten que abarcar o transporte de persoas, as mercadorías tamén teñen que ser tomadas en conta. Debido o cal o presentamos unha alegación pedindo a construción da estación de mercadorías da Sionlla.

En relación coas infraestruturas da cidade, o Consello Comarcal fixo unha alegación requirindo que se acometan con urxencia as obras de pavimentación e melloras na seguridade viaria na N-550.

Respecto ao patrimonio histórico e cultural para a cidade que supón o Castelo da Rocha Forte, insistimos en que se continúe a súa posta en valor, proseguindo coa súa restauración e acondicionamento. Consideramos que é necesario que se orzamente un acceso peonil desde o centro da Rocha ao Castelo.

Por último, para mellorar o financiamento que o Concello precisa, demandamos que o Consorcio volva a ser o que foi. Nos últimos anos pasou dunha dotación duns 11 millóns de euros ato os escasos 4.795.150 da actualidade. Pedimos que, polo menos, sexa duns 7 millóns de euros..