Acto Pontepedriña

MARÍA ROZAS MANIFESTA QUE OS ORZAMENTOS SON O CORAZÓN QUE DA VIDA A UNHA CIDADE DE TODAS E PARA TODAS AS PERSOAS, AS VECIÑAS E VECIÑOS CODECIDIREMOS COMO DEBE INSVESTIR O CONCELLO OS CARTOS PÚBLICOS.

COMPOSTELA ABERTA TEN PROPOSTAS, NON VACUAS PROMESAS, PARA REVITALIZAR A VIDA COLECTIVA NOS BARRIOS.

Martiño Noriega e María Rozas, xunto con Xan Duro, proseguindo cos encontros con distintos barrios da cidade, escoitaron as propostas e queixas que manifestaron as veciñas e veciños de Pontepedriña.

CA propón no seu programa recuperar os barrios para a veciñanza, é necesario dotalos de espazos públicos que faciliten a vida colectiva. Dende o parque infantil ata a mellora do CSC, Pontepedriña debe beneficiarse de medidas que colaboren a satisfacer as demandas expresadas polas veciñas e veciños.

Para María Rozas “as persoas que decidimos formar parte de CA o fixemos polo compromiso de poder facer as cousas doutra maneira, móvemos a ilusión por recuperar o Concello para a maioría social, facendo propostas concretas e posibles, non vacuas promesas”.

So coa participación da cidadanía nas decisións que lle afectan pode recuperarse unha Democracia real. Por iso “un dos eixos fundamentais do noso programa e establecer os mecanismos para facilitar a toma de decisións das veciñas e veciños no día a día da Corporación” asegura María Rozas que defende alcanzar os Orzamentos Participativos o antes posible para “non so acabar coa falta de transparencia e a corrupción, se non porque se as persoas poden codecidir en que e como se inviste os cartos de todas e todos, faremos colectivamente proxectos que melloren cada rúa, cada barrio, a cidade”

Entre outras medidas para Pontepedriña é necesario procurar, o antes posible, eliminar o illamento que padece co Ensanche, ten que levarse a cabo, a través da estación, un paso peonil que os una.

Por último María Rozas lamentou as execrables políticas que nos levaron a que o 20 % da veciñanza se atope en risco de exclusión social. “Temos que lograr un Concello que actúe, por suposto pode colaborar, nunca delegar, nas entidades sociais existentes na cidade para erradicar esta amarga realidade, pero, como servizo público que é, ten, teremos a obriga de prestar todos os servizos sociais que sexan precisos, dende o Servizo Municipal de Atención a Persoas sen Fogar ata, por exemplo, subvencionar o IBI as persoas que se atopen nesta situación de risco de exclusión”