Á DEMOCRACIA ÚRXELLE SABER ONDE ESTÁN OS MORTOS E AS MORTAS

O 18 de xullo de 1936 os montaraces xenerais Franco, Goded, Mola e Queipo de Llano, erguéronse en armas contra a arma da palabra, que apenas 96 días antes falara nas urnas alto e claro: 40 deputados máis lle outorgaron as urnas ao Frente Popular e 40 deputados menos lle outorgaron ao Frente dos canallas xenerais alzados en armas. Así foi como o felón xeneral ártabro abriu a espita do sangue, así mesmo foi como correu o sangue a enxurradas polas cunetas de Galicia e de España. 

Non poucas e non poucos das desaparecidas e desaparecidos cando entonces aínda non se sabe a dia de hoxe en que lugares ignotos de Galicia e de España están sendo comestos polas caramechas.

Escrito acto República

ESQUERDA UNIDA COMPOSTELA E O PCG LEVARÁN A CABO UN ACTO EN RECORDO DAS PERSOAS REPRESALIADAS POR DEFENDER A LEGALIDADE REPUBLICANA.

O sábado 13 de abril, ás 12:00, na parte traseira da vella empresa azucareira de Iria Flavia-Padrón, Esquerda Unida Compostela e o PCG organizan un acto con motivo da proclamación da República, o 14 de abril de 1931.

Precisamente, por defender a legalidade republicana, os seus valores democráticos, centos e centos de persoas estiveron presas no campo de concentración que o franquismo instalou nas dependencias da empresa azucareira. Un campo que durou desde decembro de 1937 e abril de 1940, con capacidade recoñecida para 1.700 presos.

Hoxe, cando as persoas transitan pola nacional, tanto en sentido Padrón como Santiago, poucas saben que, no que queda da empresa azucareira, Franco instalou un campo de concentración, un espazo de represión para someter ás persoas republicanas e 'extirpar el gen rojo' como dicía o sádico psiquiatra do réxime, Antonio Vallejo Nágera.

¡ARRIBA A REPÚBLICA, ABAIXO A MONARQUÍA!

Os republicanos de Galicia e de España celebran  hoxe, 14 de abril, o día da república. E fan ben. Fan moi ben. Eu tamén o celebro. E tamén fago moi ben. Porque hoxe é o día en que o golfo do avó do rei emérito saíu pitando cara o exilio morto de medo. Ben sabía el o que merecía moi merecido. Ben sabía el por que corría. Por que escapaba. De que tiña medo o moi malandrín. Pero eu máis que o 14 de abril celebro o 16 de febreiro. Porque é o día que realmente gañaron as eleccións os don Antonio Machado, os Rafael Alberti, os García Lorca, os don Miguel de Unamuno e todos os que querían que ganásemos todos e non só os de sempre. Non só os de toda a vida. Non só os cabróns emperadores do cabrón mercado falsamente chamado por eles libre. Os March. Os duques de Alba. Os Barrié de la Maza. Os depredadores de plusvalía e de vidas.

Xuntanza con CCOO

A COORDINADORA COMARCAL DE ESQUERDA UNIDA COMPOSTELA MANTÉN UNHA XUNTANZA CON REPRESENTANTES DA UNIÓN INTERCOMARCAL DE CCOO SANTIAGO-BARBANZA.

A CC DE EU REITERA O SEU COMPROMISO NA LOITA POR RECUPERAR OS DEREITOS LABORAIS E SOCIAIS ROUBADOS NESTA CRISE-ESTAFA QUE SEGUIMOS A PADECER.

Os membros da Coordinadora Comarcal de EU Compostela, Alexandre Vila Peleteiro e Vicente Vázquez Freire, mantiveron unha xuntanza con representantes de CCOO.

Durante este encontro foron varios os temas expostos polos representantes sindicais que mostraron unha amarga realidade laboral, na que a precariedade e temporalidade marcan un presente e futuro terrible para a clase traballadora.

Como se evidenciou na xuntanza, a comarca de Compostela centra a súa actividade económica principalmente no sector servizos, sendo a hostalería e o comercio os que contribúen, en gran medida, a condicións laborais que non garanten o benestar das veciñas e veciños.

Renovación Área da Muller de EU Compostela

A MILITANCIA DE ESQUERDA UNIDA COMPOSTELA RENOVA A ÁREA DA MULLER DE EU NA COMARCA

ROSA TRILLO É ELIXIDA RESPONSABLE DA ÁREA.

Proseguindo co proceso de fortalecemento da nosa organización, revitalizamos a Área da Muller de EU na comarca, espazo de debate colectivo, no que as mulleres militantes e simpatizantes traballamos para avanzar cara unha sociedade igualitaria e xusta. O feminismo de clase segue a ser a ferramenta imprescindible para organizar a loita necesaria contra a violencia machista é o heteropatriarcado que o sustenta.

As mulleres que participamos nesta Área comarcal de Esquerda Unida, consideramos prioritaria a participación nas distintas plataformas feministas municipais, sendo na actualidade o próximo 8 de Marzo o eixo central de traballo conxunto.

Mina Touro-O Pino

A COORDINADORA COMARCAL DE ESQUERDA UNIDA COMPOSTELA MOSTRA A SÚA PREOCUPACIÓN POLO PROXECTO MINEIRO EN TOURO - O PINO.

A CC OPONSE AO ESPOLIO E DESTRUCIÓN DA TERRA PARA O LUCRO PRIVADO, HAI ALTERNATIVAS PARA UNHA ECONOMÍA SOCIAL SUSTENTABLE ECONÓMICA E MEDIOAMBIENTALMENTE.

Os membros da Coordinadora Comarcal de EU, Fran Prieto e Vicente Vázquez, mantiveron unha xuntanza con representantes da plataforma veciñal Mina Touro-O Pino NON que, sobre o terreo, mostraron a realidade do proxecto.

Durante este encontro foron varios os temas que preocupan sobre esta iniciativa privada. En primeiro lugar a falta de información e transparencia sobre o mesmo, basta dicir que o trámite de audiencia pública sobre este proxecto apareceu no DOG no mes de agosto.

Defensa das remunicipalizacións

A COORDINADORA COMARCAL DE ESQUERDA UNIDA COMPOSTELA REITERA A DEFENSA DA NOSA ORGANIZACIÓN POLA REMUNICIPALIZACIÓN DOS SERVIZOS PUBLICOS PRIVATIZADOS.

A CC MANIFESTA O SEU APOIO ÁS XESTIÓNS QUE SE LEVEN A CABO PARA INTENTAR REMUNICIPALIZAR O SERVIZO DA AUGA, OU CALQUERA OUTRO.

A Coordinadora Comarcal (CC) de Esquerda Unida Compostela considera que deben ser as Administracións Públicas as que presten, con calidade, eficacia e eficiencia, servizos de titularidade e xestión pública que satisfagan as demandas sociais que a cidadanía precisa para o seu benestar.

Consideramos que os dereitos esenciais, como o da auga, deben afastarse do lucro das mans privadas e encamiñarse cara o beneficio das veciñas e veciños. É máis que obvio que a xestión pública garante un servizo centrado en satisfacer as necesidades da maioría social, respectar o medio ambiente, promover condicións laborais xustas e, entre outras vantaxes máis, articular controis democráticos.

Renovación Coordinadora Comarcal

A ASEMBLEA COMARCAL DE ESQUERDA UNIDA COMPOSTELA APOIA POR UNANIMIDADE A CANDIDATURA PRESENTADA PARA RENOVAR A COORDINADORA COMARCAL

SARA GARCÍA E NOA MORALES SON ELIXIDAS

CO-COORDINADORAS COMARCAIS.

 
Trala última asemblea nacional de Esquerda Unida, baixo o lema “A forza das ideas”, a organización abriu o proceso de renovación das Coordinadoras Comarcais, para levar a cabo o traballo aprobado nos documentos políticos e organizativos, encamiñados a potenciar a necesaria Unidade Popular.

Na última asemblea comarcal de Esquerda Unida Compostela, a militancia apoiou unanimemente a candidatura presentada para constituír a nova Coordinadora Comarca (CC). Na súa primeira xuntanza esta nova CC, entre outras cuestións, debateu e elixiu as diferentes responsabilidades das persoas que formaban parte da candidatura.

ESQUERDA UNIDA CELEBROU ESTE 14 DE ABRIL UN ACTO EN MEMORIA DOS PRESOS REPUBLICANOS EN LAVACOLLA E UNHA CONCENTRACIÓN NA ALAMEDA.

Santiago de Compostela, 14 de abril de 2017. 

Esquerda Unida lembrou este 14 de abril e 2017 ás 11:00h aos prisioneiros do campo de concentración de Lavacolla mediante un acto conmemorativo no monólito situado no Campo dá Festa de Lavacolla. Durante o acto tomou a palabra Xabier Ron, membro da dirección de Esquerda Unida e ex-deputado de AGE, para falar do campo de concentración de Lavacolla, que estivo en activo a partir de 1939. Os prisioneiros do devandito campo foron usados como man de obra escrava durante a ditadura franquista para a construción das pistas de aterraxe do aeroporto así como o aeródromo. “Hoxe, 14 de abril de 2017, queremos lembrar e dignificar aos preto de 3.000 prisioneiros republicanos que pasaron por Lavacolla. Para que cantos despeguen ou aterren neste aeroporto, coñezan a verdadeira historia do aeroporto onde ou fai?, sinalou. 

ESQUERDA UNIDA ACUSA Á XUNTA DE GALICIA DE VULNERAR O PRINCIPIO DA COEDUCACIÓN PARA PREVIR A VIOLENCIA MACHISTA

Esquerda Unida acusa á Xunta de Galicia de vulnerar o principio da coeducación para previr a violencia machista

“Un Torquemada perverso goberna Galicia, capaz de poñer en marcha o I Plan de Actuacións para a Igualdade en Centros Educativos de Galicia 2016-2020 e de, cando aínda non rematou o primeiro curso de aplicación, lanzar unha orde de concertos educativos onde se suprime o principio de coeducación como requisito”, sinala Xabier Ron.

Compostela, 30 de marzo de 2017. Xabier Ron, membro da dirección de Esquerda Unida e José Cuenca, membro da área de Educación de Esquerda Unida, denunciaron  en rolda de prensa a anómala situación en que vive a educación pública en Galicia debido á existencia dos concertos educativos que teñen, cada vez máis, unha mera finalidade competitiva e de lucro.

José Cuenca aproveitou a súa intervención para denunciar “a competencia desleal que exercen os centros privados coa complicidade ideolóxica da Xunta de Galicia, o que supón unha anomalía do sistema educativo, onde impera o lucro sobre o dereito a unha educación pública gratuita e laica”.

CHARLA-DEBATE BANCA PÚBLICA POR QUÉ É NECESARIA?

Debate o próximo 30 de marzo ás 20:00h na Sede de Afundación na Rúa do Vilar 19 en Compostela

EU de Compostela organiza una charla co compañeiro Carlos Sanchez Conselleiro de Facenda do Concello de Madrid e a compañeira María Rozas Concelleira de economía e facenda de Compostela.  sobre a necesidade dunha Banca Púbica ao servizo da maioría social.

Neste crise-estafa que padecemos, o sistema bancario capitalista foi o verdugo, que o neoliberalismo utilizou, para promover un modelo económico especulativo contra os dereitos sociais e laborais das traballadoras e traballadores.

É necesario construír colectivamente unha banca pública, ao servizo dun novo modelo económico sustentable, no que os DDHH estén garantidos.

EU FAI UN CHAMAMENTO Á PARTICIPACIÓN NA MOBILIZACIÓN DAS MARCHAS DA DIGNIDADE EN DEFENSA DAS PENSIÓNS PÚBLICAS O SÁBADO 25 DE FEBREIRO 2016

A mobilización será en dúas columnas e sairá o vindeiro sábado 25 de febreiro, ás 12 horas, unha delas dende a Praza da Leña e outra dende o Pazo da Ópera, ata atoparse na Praza de Ourense, rematando conxuntamente en Méndez Núñez, onde terá lugar o acto final en defensa das pensións públicas.

Esquerda Unida fai un chamamento á participación e súmase á manifestación a nivel estatal convocada polas Marchas da Dignidade, que en Galicia terá lugar en A Coruña.

A mobilización será en dúas columnas e sairá o vindeiro sábado 25 de febreiro, ás 12 horas, unha delas dende a Praza da Leña e outra dende o Pazo da Ópera, ata atoparse na Praza de Ourense, rematando conxuntamente en Méndez Núñez, onde terá lugar o acto final en defensa das pensións públicas.

O Instituto Galego de Estatística (IGE) informa de que case un 25 por cento de galegos e galegas son maiores de 65 anos, o que coloca a Galicia como a segunda comunidade máis envellecida de España, cunha esperanza media de vida de 82 anos, só superada por Asturias. 

ESQUERDA UNIDA APOIA A FOLGA EDUCATIVA DO 24 DE NOVEMBRO CONTRA AS REVÁLIDAS E POLA DERROGACIÓN DA LOMCE

A ÁREA DE EDUCACIÓN DE EU apoia á folga educativa convocada para o vindeiro 24 de novembro para o alumnado de Educación Secundaria e as familias de alumnado en Educación Primaria e Infantil, pola derrogación das Reválidas e a LOMCE, así como a todas as mobilizacións que se producirán ao longo da xornada.

A Área de Educación de EU dende o seu  irrenunciable compromiso coa educación pública, vén desenvolvendo durante os últimos anos unha intensa campaña contra a LOMCE e os recortes educativos, por entender que supoñen un ataque forntal a unha educación pública promotora dun modelo educativo inclusivo, laico e democrático que garanta os dereitos de todos e todas a unha educación de calidade en condicións de igualdade. 

ESQUERDA UNIDA DE COMPOSTELA APOIA E COLABORA NA CONSTITUCIÓN DA PLATAFORMA FEMINISTA GALEGA

O próximo día 22 de outubro está convocada a asamblea constituinte da Plataforma Feminista Galega que EU Compostela apoia e na que participa. 

Esta plafatorma está promovida por activistas feministas que tanto de forma individual como integradas en coletivos levamos tempo traballando xuntas e por iso decidimos lanzar esta chamada a construír un espazo de traballo común no que podamos sentarnos a debater, a loitar xuntas. 

Queremos crear un espazo no que o empoderamento das compañeiras ocupe un lugar primordial.

Este espazo que ten como obxectivo transversalizar e visibilizar o discurso feminista na nosa práctica diaria e nas loitas. 

Un espazo plural, aberto a todas aquelas que queiran sumar esforzos.

Outono 16 En Resistencia, Mobilizacións do 8 ao 15 de outubro 2016!

As organizacións da sociedade civil, sindicais, campesiñas e políticas, novas, homes e mulleres de todo o mundo convocamos un outono en resistencia para esixir a suspensión dos mal chamados acordos de libre comercio e investimentos, como o acordo entre a Unión Europea e Canadá, chamado CETA, como o xa coñecido TTIP que se negocia con EEUU, ou como o aínda ignoto TISA. Estamos convencidas de que para promover unha sociedade igualitaria e respectuosa dos dereitos das persoas e o medio ambiente é imprescindible reformular o sistema de comercio global que, a día de hoxe, únicamente favorece a concentración dos beneficios e do poder en mans de grandes multinacionais.

Algúns Estados membros sitúanse en contra do CETA, cabalo de Troia do TTIP, con todo, a Comisión Europea e outros Estados membros están a empuxar forte para que o tratado asínese canto antes. O goberno de Mariano Rajoy, aínda en funcións, empéñase en embarcarnos sen debate e con présa nun tratado tan daniño como o CETA.

Este outono mobilizámonos nos cinco continentes. É un outono de resistencia con propostas dun modelo económico diferente e máis xusto.

Esquerda Unida de Compostela apoia estas mobilizacións para mudar as cousas e contribuir ao cambio da nosa sociedade para conseguir unha sociedade mais xusta e igualitaria.

ORGULLOS@AS 2.0

Esquerda Unida de Compostela e Compostela Aberta organizadan unha mesa redonda sobre  LGTBIfobia o día 28 de xuño de 2016 as 20:00h. 

Na mesma vanse tratar a fobia contra os distintos colectivos LGTBI, lesbianas, gays, transexuais, bisexuais contextualizados en distintas idades, nenez, mocidade, madurez e 3º idade. 

Este acto estará presentado Concha Fernández, concelleira de Diversidade e o debate será moderado por Marta Lois concelleira de Igualdade de Compostela Aberta

Como poñentes participarán:

Federico Armenteros Ávila, presidente da "Fundación 26 de Diciembre"

Miguel Angel Ruiz Isabel, pai dunha nena transexual

Isabel Quintairos, membra de "Nos Mesmas"

Vanessa Angustia, Senadora de "En Marea"

ALEAS-EU INSISTE NA NECESIDADE DE CREAR UNHA UNIDADE DE ACCIÓN ENTRE OS COLECTIVOS E ACTIVISTAS LGTBI

ALEAS-EU CRE QUE O EXEMPLO DA PLATAFORMA FEMINISTA GALEGA É O MILLOR ESPELLO ONDE REFLEXARSE

Un ano máis achégase o 28 de Xuño, Día Internacional do Orgullo LGTBI, no que se conmemoran os disturbios de StoneWall de 1969 en New York. Un ano máis, miramos cara o noso pasado e sentimos non só Orgullo da nosa identidade, senón tamén Orgullo da nosa historia, orgullosas e orgullosos de onde vimos e cara onde vamos.

Son moitos os espellos nos que mirarse. Moitos referentes que loitaron antes e outros que siguen loitando por un mundo para todas e todos, respectuoso coa diversidade e con admiración pola beleza que iso significa, un mundo plural. Pero tamén é moito o traballo que queda por diante, xa que as agresións van en aumento e aínda que os pasos dados non son en vano, quédanos moito polo que pelexar e seguir na rúa.

EU COMPOSTELA ORGANIZA UN VIDEOFORUM ABERTO DE EU SOBRE A CRISE HUMANITARIA ÁS PORTAS DE EUROPA

VIDEOFORUM ABERTO DE EU SOBRE A CRISE HUMANITARIA ÁS PORTAS DE EUROPA

O próximo día 31 de maio de 2016 as 19:30 no local de Compostela Aberta, na praza do Toural en Compostela

O deputado de Alternativa Galega de Esquerda e membro da executiva nacional de Esquerda Unida Xabier Ron, gran activista pola defensa dos dereitos humanos e colaborador permanente de asociacións de solidariedade internacional, tamén se contará coa presencia de Nour Al-Hussen activista e politóloga galega-siria gran coñecedora da geopolítica do Mundo Árabe e voz incansable das súas compatriotas silenciadas. Tamén intervirá o voceiro do Foro Galego da Inmigración Miguel Fernández que contará os eixos principais da súa organización e os proxectos e espacios nos que están a traball

ESQUERDA UNIDA DE COMPOSTELA APOIA A CAMPAÑA “CONTRA AS DEPORTACIÓNS, BOICOT A AIR EUROPA E GLOBALIA” DO FORO GALEGO DE INMIGRACIÓN

O membro da dirección de Esquerda Unida e deputado de AGE Xabier Ron participa na mesa informativa “Contra as deportacións, boicot a Air Europa e Globalia”, terá lugar na Praza do Toural, dende as 18h o día 19/5/16, en Compostela. 

Dende Esquerda Unida consideramos vergoñento e indignante que empresas como Air Europa sigan a lucrarse a costa dos voos de deportación. Tamén sentimos repulsa ao coñecer que, un ano máis, o Ministerio do Interior volve adxudicar un contrato millonario para as deportacións masivas de persoas migrantes a Air Europa e Swiftair, do conglomerado Globalia, empresas que seguen a lucrarse sen ningún tipo de escrúpulos no que a Dereitos Humanos se refire.

Esquerda Unida fai un chamamento á participación na manifestación da plataforma Queremos Galego o 17 de maio

O idioma é a vida. Maniféstate pola lingua! 

17 de maio Santiago de Compostela

Esquerda Unida fai un chamamento á participación na manifestación o 17 de maio en Santiago de Compostela, convocada pola plataforma Queremos Galego baixo o lema “O idioma é a vida”.

Os dramáticos datos relativos á perda de falantes e reflictidos na última enquisa do Instituto Galego de Estadística, así como a análise do Comité de Expertos do Consello de Europa para a Carta Europea das Linguas, evidencian que a política lingüística do goberno de Feijóo é unha política galegofóbica e lingüicida que converte en extranxeira a lingua propia.