Esta grave
regresión manifestase de modo categórico respecto aos dereitos humanos das
mulleres, froito das posicións máis retrógradas do sistema patriarcal, que, coa
escusa da crise económica, viu as posibilidades abertas para destruír o
acadado.
A retrógrada
formulación sobre o dereito ao aborto e aos dereitos sexuais e reprodutivos das
mulleres que representa o anteproxecto da lei que defende o Goberno do Partido
Popular, deixa ao descuberto a especial saña do emprego da política contra os
dereitos das mulleres. O intento de forzar a maternidade ou que se aborte
clandestina e perigosamente, é a expresión máis cruenta da consideración
patriarcal, androcéntrica e misóxina do goberno e do seu Ministro de Xustiza.
A lista das normas
segregadoras e sexistas, tanto a nivel estatal como autonómico, é abrasadora: a reforma laboral, a recente lei
de educación, a lei de familia do goberno galego. Os recortes en sanidade e na
asistencia a dependencia, a provisionalidade nos empregos, a privatización do
público; son medidas que producen un impacto de xénero que se traduce no
incremento da feminización da pobreza e a intensificación dos valores
represores da autonomía das mulleres.
A materia de
relixión na escola pública e a exclusión da educación sexual e reprodutiva
dela, no é só consecuencia da inxerencia da xerarquía eclesiástica herdada do
franquismo nas decisións gubernamentais,
senón que pretende instaurar un modelo xa caduco, de mulleres obedientes
e submisas.
Dende a Área de
Mulleres de Esquerda Unida Compostela chamamos á insurrección e insubmisión
feminista contra todo intento de volta ao pasado, contra todas aquelas
decisións que pretendan manternos ás mulleres como seres subordinados, contra
calquera tentativa de represión da nosa sexualidade e contra o noso dereito a decidir sobre os nosos
corpos e as nosas vidas..
Dende a Área de
Mulleres de EU Compostela propoñemos ao Pleno do concello de Santiago a
seguinte proposta de.
ACORDOS:
Primeiro. Instar ao Goberno de España a
solicitude/esixencia de que non se atente contra os dereitos fundamentais das
mulleres e que no teña lugar a tramitación do proxecto de lei contra o aborto.
Segundo. Que se amplíen os dereitos recoñecidos no texto
vixente para que o aborto deixe de ser un delito e poda practicarse libremente
na sanidade pública en todo o estado..
Terceiro. O Pleno do Concello adhírese a todas as
manifestacións do movemento feminista e organizacións de mulleres, que en
reivindicación dos acordos subscritos se convoquen.
Cuarto. O Concello comprometese a potenciar os valores de
igualdade real, poñendo para elo todos os medios ao seu alcance, como é a
defensa da sanidade e da educación públicas e laicas,. e plans de emprego e
formación igualitarios
No hay comentarios:
Publicar un comentario