A
ÁREA DE MOCIDADE DE ESQUERDA UNIDA COMPOSTELA DEFENDE UNHA EDUCACIÓN PÚBLICA,
GRATUÍTA E DE CALIDADE.
A
ÁREA DE MOCIDADE DE EU COMPOSTELA APOIA A CONCENTRACIÓN DO 6 DE SETEMBRO ÁS
11.00 NO OBRADOIRO EN DEFENSA DA UNIVERSIDADE PÚBLICA.
O día 6 de setembro de 2013 levarase a cabo a
apertura do curso 2013 / 2014. Mentres a Institución universitaria celebrará o
inicio deste novo curso, milleiros de estudantes non poderán continuar os seus
estudos.
Así, este ano 2013/2014 comeza marcado polas
grandes dificultades, principalmente económicas, que se lle están a impor ao
estudantado. Xa que ademais de elevar as xa de por si caras taxas, o Ministerio
de Educación endureceu os requisitos das mesmas, coa lóxica consecuencia da
expulsión do alumnado da universidade.
Non podemos esquecer tampouco a situación que
teñen que vivir as compañeiras que xa tiveron problemas o curso pasado
contraendo débedas coa Universidade a causa de non poder afrontar o pago total
da matrícula.
Ante esta situación, na que os órganos
institucionais da universidade limítanse a acatar as ordenanzas do goberno, a
comunidade educativa vese indefensa ante os decretazos dos gobernos central e
autonómico, polo que consideramos necesaria a unidade das forzas en defensa do
ensino público, tan debilitado polos diferentes gobernos.
Dende a Area de Mocidade de EU denunciamos a
elitización da Universidade Pública, entendida como o acceso reservado so
aquelas familias cun elevado poder adquisitivo, deixando fóra a maioría da
poboación e a creación de traballadores sen capacidade de análise.
En definitiva, comezamos un curso no que o
estudantado e o resto da comunidade universitaria vive unha situación crítica.
Os ataques neoliberais ao ensino e aos servizos públicos non cesan.
Por isto apoiamos a concentración convocada para o
Venres 6 ás 11 na praza do Obradoiro, na que a comunidade educativa debe
rexeitar os xa ditos e constantes ataques a Universidade pública.
Que non recorten os dereitos da clase
traballadora.
Educación pública para todas e todos.
No hay comentarios:
Publicar un comentario