ESQUERDA UNIDA APOIA A FOLGA EDUCATIVA DO 24 DE NOVEMBRO CONTRA AS REVÁLIDAS E POLA DERROGACIÓN DA LOMCE

A ÁREA DE EDUCACIÓN DE EU apoia á folga educativa convocada para o vindeiro 24 de novembro para o alumnado de Educación Secundaria e as familias de alumnado en Educación Primaria e Infantil, pola derrogación das Reválidas e a LOMCE, así como a todas as mobilizacións que se producirán ao longo da xornada.

A Área de Educación de EU dende o seu  irrenunciable compromiso coa educación pública, vén desenvolvendo durante os últimos anos unha intensa campaña contra a LOMCE e os recortes educativos, por entender que supoñen un ataque forntal a unha educación pública promotora dun modelo educativo inclusivo, laico e democrático que garanta os dereitos de todos e todas a unha educación de calidade en condicións de igualdade. 

ESQUERDA UNIDA DE COMPOSTELA APOIA E COLABORA NA CONSTITUCIÓN DA PLATAFORMA FEMINISTA GALEGA

O próximo día 22 de outubro está convocada a asamblea constituinte da Plataforma Feminista Galega que EU Compostela apoia e na que participa. 

Esta plafatorma está promovida por activistas feministas que tanto de forma individual como integradas en coletivos levamos tempo traballando xuntas e por iso decidimos lanzar esta chamada a construír un espazo de traballo común no que podamos sentarnos a debater, a loitar xuntas. 

Queremos crear un espazo no que o empoderamento das compañeiras ocupe un lugar primordial.

Este espazo que ten como obxectivo transversalizar e visibilizar o discurso feminista na nosa práctica diaria e nas loitas. 

Un espazo plural, aberto a todas aquelas que queiran sumar esforzos.

Outono 16 En Resistencia, Mobilizacións do 8 ao 15 de outubro 2016!

As organizacións da sociedade civil, sindicais, campesiñas e políticas, novas, homes e mulleres de todo o mundo convocamos un outono en resistencia para esixir a suspensión dos mal chamados acordos de libre comercio e investimentos, como o acordo entre a Unión Europea e Canadá, chamado CETA, como o xa coñecido TTIP que se negocia con EEUU, ou como o aínda ignoto TISA. Estamos convencidas de que para promover unha sociedade igualitaria e respectuosa dos dereitos das persoas e o medio ambiente é imprescindible reformular o sistema de comercio global que, a día de hoxe, únicamente favorece a concentración dos beneficios e do poder en mans de grandes multinacionais.

Algúns Estados membros sitúanse en contra do CETA, cabalo de Troia do TTIP, con todo, a Comisión Europea e outros Estados membros están a empuxar forte para que o tratado asínese canto antes. O goberno de Mariano Rajoy, aínda en funcións, empéñase en embarcarnos sen debate e con présa nun tratado tan daniño como o CETA.

Este outono mobilizámonos nos cinco continentes. É un outono de resistencia con propostas dun modelo económico diferente e máis xusto.

Esquerda Unida de Compostela apoia estas mobilizacións para mudar as cousas e contribuir ao cambio da nosa sociedade para conseguir unha sociedade mais xusta e igualitaria.

ORGULLOS@AS 2.0

Esquerda Unida de Compostela e Compostela Aberta organizadan unha mesa redonda sobre  LGTBIfobia o día 28 de xuño de 2016 as 20:00h. 

Na mesma vanse tratar a fobia contra os distintos colectivos LGTBI, lesbianas, gays, transexuais, bisexuais contextualizados en distintas idades, nenez, mocidade, madurez e 3º idade. 

Este acto estará presentado Concha Fernández, concelleira de Diversidade e o debate será moderado por Marta Lois concelleira de Igualdade de Compostela Aberta

Como poñentes participarán:

Federico Armenteros Ávila, presidente da "Fundación 26 de Diciembre"

Miguel Angel Ruiz Isabel, pai dunha nena transexual

Isabel Quintairos, membra de "Nos Mesmas"

Vanessa Angustia, Senadora de "En Marea"

ALEAS-EU INSISTE NA NECESIDADE DE CREAR UNHA UNIDADE DE ACCIÓN ENTRE OS COLECTIVOS E ACTIVISTAS LGTBI

ALEAS-EU CRE QUE O EXEMPLO DA PLATAFORMA FEMINISTA GALEGA É O MILLOR ESPELLO ONDE REFLEXARSE

Un ano máis achégase o 28 de Xuño, Día Internacional do Orgullo LGTBI, no que se conmemoran os disturbios de StoneWall de 1969 en New York. Un ano máis, miramos cara o noso pasado e sentimos non só Orgullo da nosa identidade, senón tamén Orgullo da nosa historia, orgullosas e orgullosos de onde vimos e cara onde vamos.

Son moitos os espellos nos que mirarse. Moitos referentes que loitaron antes e outros que siguen loitando por un mundo para todas e todos, respectuoso coa diversidade e con admiración pola beleza que iso significa, un mundo plural. Pero tamén é moito o traballo que queda por diante, xa que as agresións van en aumento e aínda que os pasos dados non son en vano, quédanos moito polo que pelexar e seguir na rúa.

EU COMPOSTELA ORGANIZA UN VIDEOFORUM ABERTO DE EU SOBRE A CRISE HUMANITARIA ÁS PORTAS DE EUROPA

VIDEOFORUM ABERTO DE EU SOBRE A CRISE HUMANITARIA ÁS PORTAS DE EUROPA

O próximo día 31 de maio de 2016 as 19:30 no local de Compostela Aberta, na praza do Toural en Compostela

O deputado de Alternativa Galega de Esquerda e membro da executiva nacional de Esquerda Unida Xabier Ron, gran activista pola defensa dos dereitos humanos e colaborador permanente de asociacións de solidariedade internacional, tamén se contará coa presencia de Nour Al-Hussen activista e politóloga galega-siria gran coñecedora da geopolítica do Mundo Árabe e voz incansable das súas compatriotas silenciadas. Tamén intervirá o voceiro do Foro Galego da Inmigración Miguel Fernández que contará os eixos principais da súa organización e os proxectos e espacios nos que están a traball

ESQUERDA UNIDA DE COMPOSTELA APOIA A CAMPAÑA “CONTRA AS DEPORTACIÓNS, BOICOT A AIR EUROPA E GLOBALIA” DO FORO GALEGO DE INMIGRACIÓN

O membro da dirección de Esquerda Unida e deputado de AGE Xabier Ron participa na mesa informativa “Contra as deportacións, boicot a Air Europa e Globalia”, terá lugar na Praza do Toural, dende as 18h o día 19/5/16, en Compostela. 

Dende Esquerda Unida consideramos vergoñento e indignante que empresas como Air Europa sigan a lucrarse a costa dos voos de deportación. Tamén sentimos repulsa ao coñecer que, un ano máis, o Ministerio do Interior volve adxudicar un contrato millonario para as deportacións masivas de persoas migrantes a Air Europa e Swiftair, do conglomerado Globalia, empresas que seguen a lucrarse sen ningún tipo de escrúpulos no que a Dereitos Humanos se refire.

Esquerda Unida fai un chamamento á participación na manifestación da plataforma Queremos Galego o 17 de maio

O idioma é a vida. Maniféstate pola lingua! 

17 de maio Santiago de Compostela

Esquerda Unida fai un chamamento á participación na manifestación o 17 de maio en Santiago de Compostela, convocada pola plataforma Queremos Galego baixo o lema “O idioma é a vida”.

Os dramáticos datos relativos á perda de falantes e reflictidos na última enquisa do Instituto Galego de Estadística, así como a análise do Comité de Expertos do Consello de Europa para a Carta Europea das Linguas, evidencian que a política lingüística do goberno de Feijóo é unha política galegofóbica e lingüicida que converte en extranxeira a lingua propia.

MANIFESTO 1 DE MAIO O 1 DE MAIO, REIVINDICANDO A RECUPERACIÓN DOS NOSOS DEREITOS DE CLASE TRABALLADORA

72.000 empregos destruídos nos últimos catro anos en Galicia.

75.000 unidades de convivencia con todos os membros en paro.

32.800 familias sen ningún ingreso.

300.000 traballadoras e traballadores cun salario igual ou menor do SMI.

92% dos contratos foron de carácter temporal no 2015.

40% de taxa de desemprego na xente moza.

Estes son algúns exemplos de datos demoledores cos que se escribe un triste relato dun país que destrúe o seu emprego, un lugar onde os fogares están nunha situación insostible, mentres o Goberno segue a aplicar unhas políticas dirixidas ao enriquecemento dunha minoría. É dicir: estamos a vivir nun país destrutor da economía e inimigo do ben común.

"AS MULLERES NA POLÍTICA E A SÚA REPRESENTACIÓN MEDIÁTICA"

Esquerda Unida Compostela organiza unha charla coloquio coa participación de Asunción Bernárdez Rodal. Dita charla titulase “As mulleres na política e a súa representación mediática”. Celebrarase o Xoves 28 de abril  ás 19:30h no local de Compostela Aberta na praza do Toural en Compostela. A participación e libre.

Asunción Bernárdez Rodal é profesora titular da Universidade Complutense de Madrid de Comunicación e Xénero, Semiótica dos Medios de Masas e Teoría da Información, materias que imparte na Facultade de Ciencias da Información.

 Doutora en Xornalismo e Licenciada en Filoloxía Hispánica, na actualidade dirixe o Instituto de Investigacións Feministas da Universidade Complutense. Foi coordinadora do Programa de Doutoramento en Estudos Feministas e de Xénero. Formou parte da comisión de expertas/os para a violencia de xén

MOBILIZACIÓN NACIONAL DO SÁBADO 23 DE ABRIL EN COMPOSTELA

Esquerda Unida Compostela está a participar activamente na constitución da REDE GALEGA EN APOIO ÁS PERSOAS REFUXIADAS que vén de constituirse hai unha semana e da que participan diferentes colectivos sociais, organizacións políticas e sindicais.

Tras varias xuntanzas mantidas a nivel galego, dámosvos traslado das accións acordadas e previstas para estes días, resaltado sobre todo a MOBILIZACIÓN NACIONAL DO SÁBADO 23 DE ABRIL en Compostela.

A REDE GALEGA EN APOIO ÁS PERSOAS REFUXIADAS, constituiuse para promover e coordenar en Galicia actuacións dirixidas á formación, concienciación social e incidencia política ante a realidade das persoas refuxiadas, e que está  conformada por ONG, Asociacións, Entidades, Movementos Sociais, Sindicatos, Partidos Políticos e persoas individuais:

 

O próximo día 20 de abril, ás 10:30, convocará unha Rolda de Prensa informativa,  na Librería Couceiro (Praza Cervantes) en Santiago de Compostela, para:

14 DE ABRIL MEMORIA PARA O CAMBIO. TRABALLO PARA A III REPÚBLICA

Este xoves 14 de abril levaremos a cabo varios actos públicos organizados por Esquerda Unida Compostela pola II República.

Ás 17:30 faremos unha ofrenda floral no Cementerio Municipal de Boisaca en honor dos republicanos represariados polo réximen dictatorial franquista. 

Ás 19:30 levaremos a cabo un acto público na Alameda, diante do IES Rosalía de Castro, xunto ás estatuas das Dúas Marías.

O mesmo será introducido por María Rozas, Concelleira no Concello de Compostela, por Compostela Aberta.

Ricardo Gurriarán, historiador, falará sobre a Memoria da II República

ESQUEDA UNIDA APOIA A FOLGA DE ESTUDANTES DE EDUCACIÓN SECUNDARIA E SUPERIOR CONVOCADA O 13 DE ABRIL

Esquerda Unida aposta pola inmediata derogación da lei Wert e do Decreto 3+2

Compostela, 12 de abril de 2016. A Área de Educación de Esquerda Unida expresa o seu total apoio á convocatoria de folga de estudantes de universidade e educación secundaria "convocada para este mércores 13 de abril a través de asembleas estudantís unitarias promovidas polo movemento estudantil galego en reivindicación da inmediata derogación da LOMCE e o Decreto 3 + 2.

Considerada de forma unánime pola comunidade educativa como unha lei de corte extraordinariamente regresivo e conservaddor, e precedida das maiores mobilizacións da historia da democracia en España en contra dunha lei educativa, Esquerda Unida quere sinalar o compromiso adquirido no seu momento pola totalidade das forzas parlamentarias da oposición ao goberno do PP de derogar a LOMCE, polo que considera a proposición de ley do PSOE aprobada no parlamento o pasado 5 de abril como insuficiente, e propón a inmediata derogación da mesma.

De igual xeito Esquerda Unida, comparte a proposta do estudantado galego en relación á inmediata derogación do Decrerto 3+2, que ao prolongar por dous anos os estudos de máster, profundiza na progresiva privatización da universidade, ao tempo que dispara os custos para o estudantado, facendo inasumible para cada vez sectores de poboación máis amplos a finalización dos estudos superiores.

O Consello Políticio Comarcal de EU Compostela súmase á concentración en defensa dos dereitos humáns das persoas refuxiadas e reitera a súa firme oposición ao acordo da ue-turquía que terán lugar o día 16/3/16 as 20:00h na praza do toural de compostela

Compostela, 15 de marzo de 2016. Esquerda Unida Compostela súmase, xunto a outros partidos políticos e organizacións sociais e sindicais, á concentración en  rexeitamento do acordo entre a Unión Europea e Turquía sobre os refuxiados que terán lugar mañá mércores 16 de marzo en Compostela na praza do Toural ás 20:00h dentro das movilizacións a nivel de todo o estado.  

Así mesmo firma e apoia o manifesto que se redactou nesta convocatoria e que se leerá no acto da concentración, no que por parte das organizacións asinantes denunciamos o trato que fai a Unión Europea contra as persoas refuxiadas tratándoas como moeda de cambio, denunciamos o preacordo asinado entre a Unión Europea e Turquía e a crise de valores que supón a firma de dito acordo que vai en contra dos principios fundacionais da mesma Unión Europea.