Fóra Currás do Concello

O CONSELLO COMARCAL DE ESQUERDA UNIDA COMPOSTELA ESIXE AO ALCALDE DEDOCRÁTICO HERNÁNDEZ QUE RECITIFIQUE E QUE RETIRE O PRIVILEXIO CONCEDIDO A CURRÁS

Para o Consello Comarcal de Esquerda Unida Compostela o goberno dedocrático de Hernández ampara co diñeiro de toda a cidadanía compostelá, o labor escuro e destrutivo de Currás á fronte da Corporación Municipal, recompensándoo cunha dedicación exclusiva.

O novo alcalde de Compostela, non elixido polo pobo para dita tarefa, tal como intuía este consello comarcal, segue escribindo con entusiasmo as páxinas máis escuras da nosa democracia, desde que morreu o Ditador Franco.

No cumio da indecencia democrática, o terceiro alcalde, Hernández, premia ao segundo alcalde, Currás, pola súa excelente xestión de goberno, a cal, para quen non recorde, consistiu en destruír a confianza da cidadanía nos seus representantes políticos e cargos públicos,  por amparar o reino fedorento da corrupción, sendo el mesmo dobremente imputado, pola súa declarada e manifesta incompetencia política que provocou a parálise efectiva do goberno da nosa cidade.

Non se trata de ningunha película da Cosa Nostra, onde os antigos eran protexidos polos novos xestores para que as vontades quedasen ben caladas e silenciadas. Por iso, a pesar de toda a a parafernalia mediática que quere facer de Hernández un paladín da democracia, a concesión de dedicación exclusiva a Currás amosa que entre iguais todos se protexen.

Por iso, non é xa da abraio que un goberno dedocrático, posiblemente inconstitucional, seguramente ilexítimo, certeiramente pouco democrático, dea amparo a prácticas que vulneran e violentan de forma definitiva a ética que debe prevalecer nos representantes políticos e cargos públicos que elixe a cidadanía.

Reafirmamos o noso compromiso coa democracia e non coa corrupción. Dimitirá Hernández cando algunha das dúas imputacións sente a Currás ante un tribunal? Que protexe a un (suposto) corrupto non merece outro camiño que a desconsideración. Este acto xa deslexitima calquera acción dun goberno dedocrático. A cidadanía merece outra política no Concello de Compostela.

Desde Esquerda Unida Compostela insistimos en que Currás debe deixar a acta de concelleiro e non lucrarse co diñeiro público. Esiximos a Hernández que recúe e anule dito privilexio.