martes, 29 de abril de 2014

Apoio concentración no INEM



O CONSELLO COMARCAL DE EU COMPOSTELA APOIA A MOBILIZACIÓN DAS MARCHAS DA DIGNIDADE DESTE MÉRCORES ÁS 12:30H DIANTE DA OFICINA DO INEM DA RÚA RAMÓN PIÑEIRO

PARA O CONSELLO COMARCAL DE ESQUERDA UNIDA OS ÚLTIMOS DATOS DO DESEMPREGO DEMOSTRAN QUE A MOBILIZACIÓN É HOXE MÁIS NECESARIA QUE NUNCA

O Consello Comarcal de Esquerda Unida Compostela sempre defenderá e loitará por garantir os dereitos da clase traballadora.

O pasado 22 de marzo demostrouse que só o pobo defende ao pobo e que a situación que está a vivir a poboación é insostible. Nesa mobilización, exemplo de unidade de loita e cunha gran participación galega na mesma, berrouse que seguiamos indignadas e indignados e que esiximos un cambo de rumbo radical deste mundo, esiximos a caída deste réxime corrupto e represor.

As Marchas da Dignidade nunca foron pensadas coma algo momentáneo, senón que sempre se organizaron como un movemento de longa duración, algo que xa é unha realidade. Como demostra a Asemblea Nacional da Marcha da Dignidade Galega o pasado 26 de abril en Oza, no que se decidiron as seguintes accións a levar a cabo.

Entre outras, a primeira delas será este mércores 30 de abril, xornada na que se realizarán concentracións diante das oficinas do INEM, nunha clara denuncia contra as políticas antisociais como a Reforma Laboral, ou as mentiras dos gobernos autonómico e central, que se empeñan en enganar á xente co discurso de que estamos saíndo da crise, cando a realidade é que se está a destruír emprego e a exiliar á poboación, en especial ás mozas e mozos do país.

Con datos como que o paro alcanza xa o 23'2% en Galicia, sendo así 296.900 persoas as desempregadas, e que foron máis de 20.000 postos de traballo os destruídos no noso país nun ano, chamamos a todas as compostelás e composteláns a concentrarse o mércores 30 ás 12:30h na oficina do INEM da rúa Ramón Piñeiro.

Loitemos polas nosas vidas! PAN, TRABALLO E TEITO PARA TODAS E TODOS!

No hay comentarios: