domingo, 18 de noviembre de 2007

A nosa moción sobre a Vía Verde semella prosperar

Esquerda Unida felicítase da decisión da Concellalía de Medio Ambiente, dirixida por Elvira Cienfuegos, de propoñer a creación da vía verde. A noticia vén dada en La Voz de Galicia (edición local, p. 7). Isto significa, se ben non se menciona na elaboración do artigo, que a nosa moción prospera e que en Pleno se nos dará oportuna resposta. Lembremos que a moción a presentamos o 9 de novembro de 2007.

Varios das nosas demandas, en función do que podemos ler na prensa, semellan ser atendidas, se ben, reparamos nun pero: non se fai mención en ningún momento á posibilidade de que o acondicionamento respecte a accesibilidade e mobilidade das persoas con discapacidade e que se moven en cadeira de rodas. As restantes peticións, unha por unha, ao que parece van a ser atendidas.

Agardamos que no Pleno deste mes, a resposta que se lle dea á nosa moción sexa precisamente o que hoxe lemos, que se crea a Vía Verde. Un logro para os nosos veciños e veciñas. No entanto, gustaríanos, simplemente porque é de rigor, que se nos recoñecese a iniciativa, tal como figura no Rexistro do Concello de Santiago, xa que obedece a un duro e difícil traballo realizado por homes e mulleres que estamos fóra das institucións.

Xabier Ron
Coordinador Comarcal de Esquerda Unida-IU

1 comentario:

Anónimo dijo...

felicitaciones para todos/as por el trabajo hecho. y como bien apuntas, a seguir atentos par aque no haya discriminaciones a la hora de usarlo si finalmente sale adelante.

salud