jueves, 19 de diciembre de 2013

Instalación rampla nas escaleiras da Avda. de Raxoi



O Consello Comarcal de Esquerda Unida Compostela leva anos loitando porque a cidade sexa unha urbe preparada e adaptada ás necesidades de tránsito e acceso de todas as persoas.

Como xa levamos tempo demandando, a cidade de Santiago é unha cidade sobre todo peonil. Son miles de persoas as que transitan polas súas rúas día e noite e hai que buscar as solucións para adaptar a cidade para que os e as peóns non sufran impedimentos no seu camiñar, sen obstaculizar as vías para os vehículos nin provocar danos aos monumentos e tesouros que a cidade conserva.

Así, parece incrible que algunhas zonas da cidade, a estas alturas, non estean preparadas nin adecuadas ás necesidades das persoas con problemas de mobilidade, como vén sendo, neste caso en concreto, as escaleiras da avenida de Raxoi que van dar á Praza do Obradoiro.

Son xa varias as persoas que veñen reclamando que se mellore a accesibilidade ao Obradoiro sen ter tido até o de hoxe resposta por parte do Concello. Un Concello que gasta milleiros de euros en obras, como a da Praza de Galicia, que nin son prioritarias, nin urxentes, e incluso, como no caso mencionado, nin necesarias, mentres outras zonas da cidade mostras claras eivas que deben ser solucionadas.

Tendo recibido Santiago, en 2006, un premio de ‘adaptabilidade universal de municipios, denunciamos que aínda resta moito por facer

Por todo isto o Consello Comarcal de Esquerda Unida Compostela propón ao Pleno do concello de Santiago a seguinte proposta de

ACORDOS

Primeiro. Que se constrúa de forma inmediata unha rampla nas escaleiras da Avenida de Raxoi que levan directamente á Praza do Obradoiro

Segundo. Que se leve a cao un estudo sobre a accesibilidade da cidade, e se solucionen os problemas existentes

Terceiro. Que se priorice o uso de diñeiro público nas demandas reais da cidadanía

No hay comentarios: