A COORDINADORA COMARCAL DE ESQUERDA UNIDA COMPOSTELA MOSTRA A SÚA
PREOCUPACIÓN POLO PROXECTO MINEIRO EN TOURO - O PINO.
A CC OPONSE AO ESPOLIO E DESTRUCIÓN DA TERRA PARA O LUCRO PRIVADO, HAI
ALTERNATIVAS PARA UNHA ECONOMÍA SOCIAL SUSTENTABLE ECONÓMICA E MEDIOAMBIENTALMENTE.
Os membros da Coordinadora Comarcal de EU, Fran Prieto e
Vicente Vázquez, mantiveron unha xuntanza con representantes da plataforma
veciñal Mina Touro-O Pino NON que, sobre o terreo, mostraron a realidade do
proxecto.
Durante este encontro foron varios os temas que preocupan
sobre esta iniciativa privada. En primeiro lugar a falta de información e
transparencia sobre o mesmo, basta dicir que o trámite de audiencia pública
sobre este proxecto apareceu no DOG no mes de agosto.
Co beneplácito e/ou colaboración da Xunta e Concellos
afectados, son moitas as dificultades que a veciñanza ten para coñecer, e poder
avaliar debidamente, o impacto real deste novo proxecto mineiro. Non se trata
de que delegados da empresa publiciten/vendan esta iniciativa, a cidadanía ten
que ver garantido o seu dereito a saber o que realmente vai acontecer na nosa
comarca, agora e no futuro.
Posiblemente a maior preocupación é o que poida acontecer
coa auga, pois é evidente que coa actividade extractiva a ceo aberto un dos
maiores risco é a posible contaminación dos acuíferos, que non afectarían só á
gandeira e á agricultura, senón que o propio mar sufriría posibles
consecuencias.
Non podemos esquecer tampouco posibles neglixencias, pois
os preocupantes antecedentes da empresa que quere lucrase coa destrución da
nosa terra lévannos á mina de Riotinto en Huelva, tristemente coñecida polas
verteduras tóxicas das súas balsas. Indicar que este conglomerado empresarial
dispón dun entramado societario que dificulta a atribución de responsabilidades
en casos de accidentes, contaminación e/ou destrución medioambiental.
Outra das moitas preocupacións que se podían mencionar é
a segura destrución, nesa zona e limítrofes, da actividade gandeira e agrícola,
pois a magnitude do proxecto mineiro que se quere levar a cabo arrasaría cunha
enorme extensión de terreo, agora verde e produtivo.
Segundo os datos “oficiais” que a empresa deixa caer,
pois non se pode considerar que estean debidamente acreditados, crearíanse 400
postos de traballo. Son moitas as cuestións que sobre temas económicos se
podería expoñer para desacreditar esta panacea, que non só dende a empresa se
está a vender. Obviando que non hai nin media garantía que acredite ese número
de postos de traballo, é evidente que se debería contabilizar tamén os postos
de traballo que se perderían.
Por último, dende a CC denunciamos que non se pode,
dende as distintas Administracións Públicas, converternos a todas/os nós en
reféns de intereses empresariais espurios, hipotecando a nosa terra a que o
prezo do cobre, neste caso, sexa o suficientemente lucrativo
No hay comentarios:
Publicar un comentario