O
CONSELLO COMARCAL DE ESQUERDA UNIDA
COMPOSTELA REITERA QUE ÁNGEL CURRÁS NON PODE SEGUIR SENDO ALCALDE.
O
CONSELLO COMARCAL DE EU COMPOSTELA LAMENTA A DECREPITUDE ÉTICA E MORAL DO PP
QUE AFECTA GRAVEMENTE ÁS VECIÑAS E VECIÑOS.
O Consello Comarcal de Esquerda Unida Compostela,
respectando a súa presunción de inocencia, esixe a dimisión inmediata de Ángel
Currás.
Tralo informe do Servizo de Vixilancia Aduaneira no que se concreta
as presuntas ilegalidades no contrato da gardería de Salgueiriños, expoñendo a
responsabilidade do alcalde como coñecedor
dos enchufes que presuntamente levou a cabo a trama corrupta que se
investiga na operación Pokemon, o señor Currás, por decencia, debe renunciar ao
seu cargo público e abandonar o corporación municipal.
Por suposto será o proceso xudicial, chegado o
momento, quen ditamine a culpabilidade ou non de Ángel Currás, pero por ética é
inadmisible que siga sendo alcalde da cidade tralos indicios de culpabilidade
que se expoñen con claridade no informe da SVA
Por respecto ás veciñas e veciños debe abandonar
de inmediato o Concello de Santiago, sería inadmisible que o señor Ángel Currás
se aferrara ao seu cargo, cando por exemplo neste informe se lle atribúe como
mínimo uno dos enchufes para a súa contratación na gardería.
Se a covardía e ineptitude de Ángel Currás e do
seu equipo de goberno, impiden tomar as medidas necesarias para garantir a
mínima gobernabilidade da cidade é necesario que o señor Núñez Feijoo asuma as
súa responsabilidade e actúe de inmediato para garantir o benestar da cidadanía.
Polo ben da Democracia, cómpre que a cidadanía
teña voz para expresar cara a onde quere que camiñe o Concello: se seguirmos
con esta deriva, ou rachar con estas formas de facer política e alumear un novo
horizonte democrático.
No hay comentarios:
Publicar un comentario