O dereito a decidir
das mulleres sobre a súa maternidade, non se pode enmarcar nun debate alleo á
libre decisión das mulleres. É un dereito fundamental e, como tal, non pode ser
obxecto de intercambio cos estamentos relixiosos e sociais máis reaccionarios.
O dereito á
interrupción voluntaria do embarazo, á libre decisión das mulleres: sen
interferencias, sen condicionantes, sen tutelas, nin penalizacións, é un
Dereito Fundamental.
En 1985, no noso
país, co goberno do PSOE, produciuse unha despenalización parcial e tiveron que
pasar 25 anos, até 2010, para unha reforma da lei de interrupción voluntaria do
embarazo algo máis avanzada, pero aínda con moitas limitacións.
Agora o PP expón un
Anteproxecto restritivo e retrógrado que vulnera dereitos e liberdades das
mulleres en relación á súa capacidade de decisión sobre a súa maternidade.
Fronte a iso é
necesario unha lei:
- que contemple a prevención contra os
embarazos non desexados cunha educación sexual que percorra todos os estadios
educativos, con perspectiva de xénero.
- que permita ás mulleres interromper o
seu embarazo no momento e polas razóns que desexe, sen restricións, sen prazos
e sen tutelas na sanidade pública.
- que regule a obxección de conciencia
para que esta non sexa unha coartada da clase sanitaria máis reaccionaria;
- que elimine o aborto voluntario do
código penal tanto para as mulleres como para as e os profesionais sanitarios
que o practican.
- que inclúa a cobertura da totalidade
dos métodos anticonceptivos pola sanidade pública
- na que non sexa necesario de
consentimento materno/paterno para as mozas de 16-18 anos, etc.
- que incorpore a formación en saúde
sexual e reprodutiva, tanto no ámbito sanitario como no educativo.
- que garanta a preparación do conxunto
de profesionais para a práctica da interrupción voluntaria do embarazo e que
esta se inclúa nas carreiras de medicina, enfermaría e outras profesións
sociosanitarias.
- que non cuestione a capacidade das
mulleres para tomar decisións sobre a súa vida, senón que potencie a súa
autonomía,
- que
inclúa un protocolo común para a práctica da IVE no Sistema Nacional de
Saúde
- que garanta o equilibrio territorial.
Por todo isto o
Consello Comarcal de Esquerda Unida Compostela propón ao Pleno do concello de
Santiago a seguinte proposta de
ACORDOS
Primeiro. O rexeitamento do Anteproxecto de
Lei de Protección dos Dereitos do Concibido e da Muller Embarazada aprobado
polo Consello de Ministros/as porque restrinxe dereitos fundamentais das
mulleres, solicitando a súa retirada inmediata.
Segundo. O posicionamento a favor de que
calquera reforma que se faga sobre Lei Orgánica 2/2010, de 3 de marzo, de saúde
sexual e reprodutiva e da interrupción voluntaria do embarazo, estea encamiñada
a ampliar os dereitos que son fundamentais e específicos das mulleres, de forma
que as mulleres poidan decidir en sobre se queren ou non ser nais.
Terceiro. Facemos un chamamento, á sociedade no
seu conxunto, á mobilización e a denuncia en contra da restritiva reforma do
aborto do Partido Popular e pola defensa
dun Dereito ao Aborto, libre, público, gratuíto e fóra do Código Penal.
No hay comentarios:
Publicar un comentario