O CONSELLO COMARCAL DE ESQUERDA UNIDA COMPOSTELA
MANIFESTA QUE O CONCELLO DE SANTIAGO NON
ESTÁ A CUMPRIR COA SÚA RESPONSABILIDADE E OBRIGA DE COIDADO DOS ANIMAIS
DOS PARQUES MUNICIPAIS.
O CONSELLO COMARCAL DENUNCIA O LAMENTABLE ESTADO
NO QUE SE ATOPAN OS PATOS DO ESTANQUE DO AUDITORIO DE GALICIA.
O
Consello Comarcal de Esquerda Unida Compostela recorda que é responsabilidade
do Concello o coidado dos animais que habitan nos parques municipais, como os
patos do Auditorio, os cales se atopan nunha situación pésima, desprotexidos,
mal alimentados e en condicións de salubridade deplorables.
Chegáronnos
queixas veciñais da situación lamentable destes animais. O Concello non cumpre
coa súa manutención alimentaria adecuada. A veciñanza da zona, conmovida pola
situación, é a que está a alimentar aos animais, ou os paseantes, que lle
proporcionan comida, ás veces non adecuada. Ademais as condicións sanitarias
son cuestionables, existindo zonas no estanque con moita sucidade e abundantes
residuos.
Dende
O Consello Comarcal de EU Compostela denunciamos que o Concello non está a
exercer a súa obriga de coidados e proteccións adecuadas a estes animais
segundo establece a Lei 1/1993, do 13 de Abril, de Protección de Animais
domésticos e salvaxes en catividade de Galicia. Na lei son consideradas infraccións non facilitarlle unha
alimentación adecuada, non garantir unhas boas condicións hixiénicas e
sanitarias, e mantelos nunhas instalacións non acordes as súas necesidades.
Recordámoslle
ao goberno do PP que asuma as súas obrigas como posuidores de animais e que se
fagan cargo da súa alimentación, así como da limpeza e mantemento do estanque e
arredores.
A
veciñanza denuncia tamén que o Concello, durante o mes de Abril, introduciu no estanque especies novas, sen
ter en conta as características propias,
provocando enfrontamentos entre os diferentes animais, dificultándolles
o acceso á comida para determinadas especies
e provocando unha sobre poboación no estanque. En definitiva, sometendo,
aínda máis, a estes animais a unha total desprotección e vulnerabilidade. Tanto
a cidadanía, como dende o Consello Comarcal, reclamamos que antes de realizar
novas incorporacións debese facer o pertinente estudo técnico.
Os
animais, na procura de comida, cruzan a estrada, podendo provocar accidentes.
Dende o Consello Comarcal de Esquerda Unida Compostela recordámoslle ao goberno
do PP que tamén é responsabilidade del adoptar as medidas necesarias para
impedir que os animais causen situacións de perigo. Para procurar o benestar
dos animais e evitar accidentes é necesaria a colocación dunha valla que
circunde o espazo destinado aos patos, así como instalar sinais de aviso na
estrada da existencia de animais pola zona e da prohibición de levar cans
soltos.
En
definitiva, dende o Consello Comarcal de Esquerda Unida Compostela, non
solicitamos máis que un trato humano e respectuoso aos animais por parte do
Concello de Santiago. É vergoñento que abandone as súas responsabilidades a
compaixón da veciñanza, a cal demostra unha ética e respecto aos animais
carentes no Concello. O goberno do Partido Popular debe asegurar aos animais
que habitan nos parques municipais unhas condicións de vida respectuosas e
éticas
No hay comentarios:
Publicar un comentario